Жастар ісі жөніндегі комитет

Студент жастардың өміріндегі проблемаларды шешуге қатысу, олардың әлеуметтік белсенділігін дамыту, жастардың әлеуметтік ұстанымдарын қолдау үшін Қызылорда ашық университетінде Жастар ісі жөніндегі комитет құрылды.

«Жастар ісі жөніндегі комитет туралы ереже» негізінде әрекет етеді және   студенттердің тұрақты жұмыс істейтін өкілетті органы болып табылады.

Комитеттің жұмысына төраға - Оралбай Рысдәулет Оралбайұлы жетекшілік етеді.

Жастар ісі жөніндегі комитет жұмысының мақсаттары мен міндеттері:

• ЖОО басқарудағы студенттердің құқықтары қадағалануын, білім алушылардың әлеуметтік қорғалуын және әлеуметтік бейімдеуге көмек көрсетуді қамтамасыз ету;
• студенттерде өзін - өзі басқару дағдылары мен машықтарын қалыптастыру, оларды қоғам өміріне құзыретті және жауапкершілікпен қатысуға дайындау;
• студенттердің азаматтық мәдениетін, белсенді азаматтық ұстанымдарын қалыптастыру, олардың әлеуметтік жағынан дамытуға ықпал ету;
• студенттердің тұлғалық және кәсіби қасиеттерін жетілдіруге ықпал ету;
• студенттердің жастар саясатын жүзеге асыруға тікелей қатысуы.