Білім беру қызметін көрсету саласындағы әріптестік ынтымақтастық артты

Қызылорда ашық университеті мен Өзбекәлі Жәнібеков атындағы Оңтүстік Қазақстан педагогикалық университеті арасында білім беру қызметін көрсету саласында өзара ынтымақтастық туралы келісім жасалды.

Келісім екі оқу орны арасында білім беру, ғылыми және инновациялық қызмет салаларындағы ынтымақтастық, университеттер арасындағы серіктестік жүйесін дамытуға бағытталған.

Алдағы уақытта университеттер барлық даярлық деңгейлерінің даярлау бағыттары бойынша білім алушыларды даярлау шеңберінде ғылыми орталықтар, зертханалар базасында іргелі және қолданбалы ғылыми-зерттеу жұмыстарын, ғылыми тағылымдамаларды өткізуді жоспарлауда. Сонымен қатар, Академиялық ұтқырлық бағдарламасы, бірлескен/қос дипломды білім беру бағдарламалары, кәсіптік білім беруді іске асыру, жоғары білікті кадрлар даярлау бағыттарына бірлесе жұмыс істейді.

Тараптар келісім аясында оқытушылар, білім алушылармен өзара алмасып, теориялық және практикалық білімді тереңдету тағлымдамадан өтуге мүмкіндік береді.