М.Х. ДУЛАТИ АТЫНДАҒЫ ТАРАЗ УНИВЕРСИТЕТІМЕН МЕМОРАНДУМ ЖАСАЛДЫ

Қызылорда ашық университеті мен М.Х. Дулати атындағы Тараз университеті арасында ынтымақтастық меморандум жасалды.

Меморандум кадрларды даярлау, педагогтардың, қызметкерлердің біліктілігін арттыру, ғылыми орталықтар, зертханалар базасында іргелі және қолданбалы ғылыми-зерттеу жұмыстарын, ғылыми тағылымдамалардан өтуге бағытталған. Сонымен қатар, инновациялық, ғылыми-техникалық және білім беру салаларында іргелі және қолданбалы зерттеулерді бірге жүзеге асыру жоспарланған. Бұл университеттер арасындағы ынтымақтастықты одан әрі нығайта түседі.

М.Х. Дулати атындағы Тараз университеті - Жамбыл өңіріндегі ең ірі, іргелі оқу орны. Университетте бір мыңнан астам жоғары білікті оқытушы жұмыс істейді, соның ішінде 320 - ғылым докторы мен кандидаты және философия докторын құрайды. М.Х. Дулати атындағы Тараз университеті QS әлем бойынша рейтингте +1401 орында. Бүгінде оқу орнында он үш мыңға жуық білім алушы бар.