ӨЗАРА ЫНТЫМАҚТАСТЫҚ МЕМОРАНДУМЫНА ҚОЛ ҚОЙЫЛДЫ 🤝

Қызылорда ашық университеті мен Ош мемлекеттік университеті арасында өзара ынтымақтастықты нығайту мақсатында меморандумға қол қойылды. Бұл келісім екі университеттің білім беру, ғылыми зерттеулер, академиялық алмасулар және мәдени ынтымақтастық бағыттарындағы бірлескен жобаларын жүзеге асыруды көздейді.

Меморандум аясында студенттер мен оқытушылар арасындағы тәжірибе алмасу, бірлескен ғылыми жұмыстар жүргізу және білім саласындағы соңғы жетістіктерді енгізу мәселелері басты назарға алынып отыр.

Қызылорда ашық университеті мен Ош мемлекеттік университетінің бұл бастамасы екі ел арасындағы білім беру саласындағы ынтымақтастықты арттыруға және халықаралық деңгейде білім сапасын жақсартуға үлкен үлес қосары сөзсіз.