Жаңа кітаптар көрмесі

Қызылорда ашық университетінде «Жаңа кітаптар» көрмесі өтті. Көрмеде университет кітапханасына түскен жаңа оқу және оқу-әдістемелік әдебиеттер ұсынылды. Барлық басылымдар оқытушылардың сұранысына сәйкес іріктеліп, кадрлар даярлау бағыттары бойынша білім беру бағдарламаларын қамтыды.

Кітапхана қоры «Эспи», «TechSmith», «Дарын», «Қазақ университеті», «Лантар BOOKS», «Кемел» және басқа да ірі баспа орталықтарымен тығыз байланыс нәтижесінде жаңа басылымдармен толықтырылды. Көрмеде психология, жоғары оқу орындарындағы дене шынықтыру, инклюзивті білім беру, арнайы педагогика, этнопедагогика және этнопсихология, бейнелеу өнерін оқыту әдістемесі, дуальды білім беру жүйесінде инклюзивті білім беру, мектепке дейінгі оқыту және тәрбиелеу, балалар әдебиетін оқыту әдістемесі, мәдени тынығу, құқық, артпедагогика, кикілжің психологиясы, педагогикалық коучинг, білім берудегі арт-технологиялар, Python тілінің заманауи бағдарламалау стилі және басқа да көптеген салаларды қамтитын 100-ден астам кітап қойылды.

Көрмеге университет оқытушылары мен білім беру бағдарламаларының студенттері қатысып, өздеріне қажетті әдебиеттермен танысты. Іс-шараның басты мақсаты — оқу үдерісіне қажетті әдебиеттерді насихаттау, заманауи білім беру әдістері мен технологияларын жаңа басылымдар арқылы меңгеру және оқырман мен кітапхана арасындағы байланысты нығайту.

Қызылорда ашық университеті заманауи әдістер мен технологияларды қолданып, сапалы білім беруді басты мақсат етеді!