✨ШУАҒЫН ШАШҚАН ӘЗ-НАУРЫЗ МЕРЕКЕЛІК ШАРАСЫ ӨТКІЗІЛДІ

✨ШУАҒЫН ШАШҚАН ӘЗ-НАУРЫЗ МЕРЕКЕЛІК ШАРАСЫ ӨТКІЗІЛДІ

⚜Бүгін Қызылорда ашық университеті мен Қызылорда жоғары көпсалалы колледжінің бірлесе ұйымдастыруымен «Шуағын шашқан Әз-Наурыз» мерекелік шарасы өткізілді.

🔸Шараның басында ұлттық спорттық ойындар ұйымдастырылып, студенттер мен оқытушылар командалары арасында тартысты жарыстар өтті. Жарыс барысында арқан тарту, асық ату, ләңгі тебу және басқа да ұлттық ойындар ойналып, қатысушылар өз күштері мен ептіліктерін көрсетті. Сайыс соңында ұлттық ойындар қорытындысы хабарланып, жеңімпаздарға арнайы ақшалай сыйлықтар табысталды.

Мереке одан әрі ұлттық дәстүрлер мен өнерді насихаттауға арналған қойылымдармен жалғасты. Ұлттық киімде келген студенттер мен оқытушылар өз өнерлерін ортаға салып, халық әндерін орындап, дәстүрлі қазақ билерін көрерменге ұсынды.

📌Сондай-ақ, білім ордасының ғылым, спорт, шығармашылық бағыттарында жетістікке қол жеткізіп, үздік атанған бірқатар білім алушылар Қызылорда ашық университетінің ректоры, академик Бисенов Қылышбай Алдабергенұлының мерекелік Алғыс хатымен марапатталды.

Мерекелік шараның шарықтау шегінде оқу орындарының басшылық тарапы Наурыз мейрамымен құттықтап, барша студенттер мен оқытушыларға денсаулық, табыс және бақыт тілеп, қасиетті айда ауыз бекіткен барша қызметкерлерге Рамазан қоржынын ұсынды.

Жалпы шара барысында ұлттың бай мәдениеті мен дәстүрлері жаңғыртылып, студенттер мен оқытушылар арасында бірлік пен ынтымақтастықтың маңызы тағы да айқын көрсетілді.