Инклюзивті білім беру: тәжірибеден теорияға

  Қызылорда ашық университетінің Педагогика кафедрасының доценті, педагогика ғылымдарының кандидаты Ешимова Ұлтай Зикирқызы «Инклюзивті білім беру» пәнінен мазмұнды практикалық сабақтар өткізді.

  Сабақтар барысында ПП-23-1, ПМНО-23-1, СР-23-1, ДО-23-1 және Д-25-1 топтарының студенттері ерекше білім беру қажеттілігі бар балалардың дағдыларын дамыту, аутизм белгілерін ерте анықтау және ата-аналармен тиімді байланыс орнату бойынша практикалық тапсырмаларды орындады.

  Студенттер “Танграм” әдісін қолданып, инклюзивті ортада оны қолдану тәсілдерін тәжірибеде меңгерді.

  Ата-ана мен мектеп арасындағы өзара байланыс моделін әзірлеп, жобалық жұмыстарын қорғады.

  Практикалық сабақтар студенттердің кәсіби құзыреттіліктерін арттыруға, шығармашылық және зерттеушілік қабілеттерін дамытуға бағытталды.