Ұлт поэзиясының мұзбалағына тағзым

  Мұқағали Мақатаевтың туғанына 95 жыл толуына орай оқу орнымызда «Мен өмірді жырлау үшін келгенмін»атты әдеби-сазды кеш ұйымдастырылды. Аталған шараға Қызылорда ашық университеті мен Қызылорда жоғары көпсалалы колледжінің оқытушылары мен студенттері белсене қатысып, көрнекті ақынның шығармашылық мұрасына тағзым жасады.

  Кеш барысында ақынның өмірі мен шығармашылық жолына кеңінен шолу жасалып, оның поэзиясындағы терең философиялық ойлар мен адамгершілік құндылықтар көрерменге жеткізілді. Сонымен қатар, әдеби-сазды кеште поэзиялық оқулар, музыкалық орындаулар, көркем әдеби композициялар ұсынылды. Мұқағалидің жырлары арқылы өмірге деген құштарлық, махаббат, туған жерге сүйіспеншілік және рухани тереңдік көрерменге әсерлі түрде жеткізілді.

  Аталған шараның ерекшелігі – оқытушылар мен студенттердің бірлескен шығармашылық жұмысы, интерактивті формат, заманауи цифрлық құралдар арқылы өткізілуі және қатысушыларға нақты рухани әсер сыйлауы. Кеш барысында жас ұрпаққа ақын мұрасын дәріптеу, поэзия арқылы адамгершілік пен ұлттық құндылықтарды насихаттау мақсаттары кеңінен орындалды.

  Әдеби-сазды кеш қатысушылардың терең әсер алуы мен шығармашылық ықыласының арқасында жоғары деңгейде ұйымдастырылып, ұлт поэзиясының маңызды рухани мүдделерін насихаттау жолында үлгі боларлық іс-шара ретінде есте қалды.