Бүгінде Қызылорда ашық университеті білім беру қызметін көрсету саласында өзара ынтымақтастықтың көкжиегін кеңейтуде.

Бүгінде Қызылорда ашық университеті білім беру қызметін көрсету саласында өзара ынтымақтастықтың көкжиегін кеңейтуде.
Шетелдік және еліміздегі жоғары білім беру саласының жетекші оқу орындарымен әріптестік байланыстар нығайып келеді. «ASTANA IT UNIVERSITY», «Сәрсен Аманжолов атындағы Шығыс Қазақстан университеті» КЕАҚ, «Ш.Есенов атындағы Каспий технологиялар және инжиниринг университеті» КЕАҚ және Жұмабек Ташенов университетімен өзара ынтымақтастық туралы келісімдерге қол қойылды.
Тараптар арасында жасалған келісім ғылыми және білім беру бағдарламалары бойынша өзара іс-қимыл шеңберіндегі ынтымақтастықтың бағыттарын айқындайды.
Бүгінгі таңда еліміздегі жоғары оқу орындары үшін сапалы, әрі дамып келе жатқан академиялық ұтқырлық және бірлескен/қос дипломды бағдарламасын жүзеге асыру ынтымақтастық орнатудағы маңызды бағыт болып табылады.
Университеттер арасындағы бірлесіп жұмыс жасаудың тағы бір бағыты бірлескен білім және ғылыми-зерттеу бағдарламаларын дайындау, оны іске асыру және конференциялар, семинарлар, симпозиумдар, көрмелер ұйымдастыру және ҒЗЖ нәтижелерін таныстыру үшін шаралар өткізу.
Елордамызда орналасқан «ASTANA IT UNIVERSITY» оқу орнымен жасалған келісімшарт негізінде IT бағыты бойынша білім беру бағдарламалары әзірленіп, оқыту мен бағалау инновациялық технологияларын енгізуде бірлескен жұмыстар жасалады.
Магистранттар мен докторанттардың кәсіптік тәжірибеден өтуі және ғылыми-зерттеу тағылымдамасынан өтуін ұйымдастыру және PhD докторантураға ғылыми жетекшелік жасау үшін жетекші ғалымдарды тарту жоспарланып отыр.
Алдағы уақытта аталған келісімдер аясында екіжақты нәтижелі жұмыстар жүргізілетін болады.