Kazpotrebsoyuz University базасында Қазақстан Республикасы Жоғары оқу орындары қауымдастығының отырысы өтті
️ ️Kazpotrebsoyuz University базасында Қазақстан Республикасы Жоғары оқу орындары қауымдастығының отырысы өтті
⚜️2024 жылғы 24 ақпанда Қазтұтынуодағы Қарағанды университетінде Қазақстан Республикасы Ғылым және жоғары білім министрі Саясат Нұрбектің қатысуымен «ЖОО түлектерін растау мен біліктілігін берудің проблемалық мәселелері» тақырыбында Қазақстан Республикасы ЖОО қауымдастығының жалпы жиналысы өтті.
Ұлттық біліктілік жүйесі еңбек нарығы мен кадрларды даярлау жүйесінің өзара байланысын нығайтуға бағытталған, бұл осы іс-шара тақырыбының өзектілігін анықтайды.
🔸Отырыс барысында Қазақстан Республикасы Ғылым және жоғары білім министрі Саясат Нұрбек баяндама жасады. Ол Қазақстан Республикасында 2023-2029 жылдарға арналған жоғары білім мен ғылымды дамыту тұжырымдамасын іске асыру барысы, үздіксіз білім беру жүйесін дамыту, жоғары білімнің қолжетімділігін кеңейту туралы баяндады және инженерлік кадрларды даярлаудың ұлттық моделіне егжей-тегжейлі тоқталды.
🔸Көшпелі жиналыс барысында ұлттық біліктілік жүйесін дамытудың проблемалық мәселелері мен перспективалары талқыланды, атап айтқанда:
• Ұлттық біліктілік жүйесіндегі жоғары және жоғары оқу орнынан кейінгі білім;
• Ұлттық біліктілік жүйесіне цифрлық шешімдерді енгізу;
• Кәсіби біліктілікті тану;
• Білім экономикасы: жоғары оқу орындарының адами капиталды дамытудағы рөлі;
• Бейресми білім арқылы алған оқу нәтижелерін тану механизмі;
• Қазақстанның жоғары оқу орындарының білім беру бағдарламаларын ұлттық біліктілік жүйесімен үндестіру.
Іс-шара еңбек нарығы мен білім берудің өзара іс-қимылы саласында тәжірибе алмасу үшін тамаша алаңға айналды. Отырыс қорытындысы бойынша ЖОО түлектерінің біліктілігін растау мен берудің өзекті мәселелерін іске асыру, жаңа кәсіптердің өңірлік карталарын әзірлеу, нормативтік-құқықтық базаны жетілдіру, білім беру бағдарламаларының тізілімін синхрондау, кәсіби стандарттарды өзектендіру туралы жалпы жиналыстың қарары қабылданды.
🔸Қазақстан Республикасы Жоғары оқу орындары қауымдастығының отырысына Қызылорда ашық университетінен Академиялық мәселелер жөніндегі проректор Айгүл Бекқожақызы қатысты
