Ынтымақтастық туралы келісім-шартқа қол қойылды

Қызылорда ашық университеті мен «Сафи Өтебаев атындағы Атырау мұнай және газ университеті» КЕАҚ басшылары келісім шартқа қол қойды.

Келісім шарт негізінде қос тарап бірлескен ғылыми-зерттеу жұмыстарын жүргізуге, жоғары білікті кадрларды даярлауға, олардың біліктілігін арттыруға және тағылымдамадан өтуге, ақпараттармен және технологиялармен алмасуға құзіретті.

Сонымен қатар, Сафи Өтебаев атындағы Атырау мұнай және газ университетінде студенттер кәсіптік өндірістік практикадан өтуге мүмкіндік алады.

Келісімшарт барысында университет басшылары тәжірибе алмасып, білім сапасын дамытуда алға қойылған басты мақсаттарды саралады. Білім алаңында жүзеге асырылатын идеялармен бөлісіп, келешекте университеттер арасындағы ынтымақтастық қарым-қатынасты дамытуда жүргізілетін жоспарларды айқындады.

Picture background