Ильяс Джунуспаев халықаралық конференцияға қатысты

2024 жылғы 14 қарашада Қызылорда ашық университетінің Инженерлік технологиялар кафедрасының студенттері мен оқытушылары Евфросиния Полоцкая атындағы Полоцк мемлекеттік университетінің информатика және электроника факультеті ұйымдастыруымен өткен "Физика, электроника және энергетиканың өзекті мәселелері" атты II Халықаралық ғылыми-практикалық конференцияға қатысты.

"Ақпараттық қауіпсіздік және ақпаратты қорғау" секциясында инженерлік технологиялар кафедрасының аға оқытушысы, педагогика ғылымдарының магистрі Құдайберген Абзал Мұратұлының жетекшілігімен "Қазақстандағы электрондық жүйелер мен технологиялар саласындағы өзекті мәселелер" атты баяндамамен "Есептеу техникасы және бағдарламалық қамтамасыз ету" білім беру бағдарламасының 2 курс студенті Жүніспаев Ілияс Айдосұлы  баяндама жасады.

"Физика, электроника және энергетиканың өзекті мәселелері" атты II Халықаралық ғылыми-практикалық конференция шеңберінде тәжірибе алмасу қатысушыларды жаңа ғылыми зерттеулерге шабыттандырды және өзекті практикалық міндеттерді шешудің инновациялық тәсілдерін әзірлеуге мүмкіндік берді.

Конференция ұйымдастырушыларына нәтижелі қарым-қатынас пен тәжірибе алмасу үшін қолайлы жағдай жасағаны үшін шын жүректен алғысымызды білдіреміз. Біз ғылымды қажет ететін технологиялар саласындағы зерттеулерді одан әрі ынтымақтастыққа және табысты жалғастыруға үміттенеміз.