Білім алушылар Төтенше жағдайлар департаментінің жұмысымен танысты

Қызылорда ашық университетінің 2-курс студенттері Төтенше жағдайлар департаментінің орталық мұражайында және №2 өрт сөндіру бөлімінде тәжірибелік сабаққа қатысты.

Білім алушылар Төтенше жағдайлар департаменті мамандарымен кездесіп, мекеменің тынысымен танысты. Сала мамандары  техникалардың ерекшеліктері мен мүмкіндіктерін көрсетіп, студенттердің  тәжірибе жүзінде қолданып көруіне мүмкіндік берді.

Айта кетейік, кездесу Қызылорда облысы бойынша төтенше жағдайлар департаменті мен Қызылорда ашық университеті арасында жасалған меморандумға сәйкес ұйымдастырылды.