«Кітап – сарқылмас рухани азық»

29 қараша, 2024 жылы Қызылорда ашық университеті кітапханасының оқу залында «Кітап – сарқылмас рухани азық» тақырыбында әдеби сағат өткізілді. Әдеби сағатқа университет  ПМНО-24-1, ПП-24-1, БД-24-1 оқу топтарының білім алушылары қатысты.   Іс-шараны кітапханашы Орынбасар А. жүргізе отырып, білім алушыларға көркем шығармаларды оқу- оқырманның  рухани дүниесін байытатыны, эстетикалық талғам мен  адамгершілік қасиетін қалыптастыратынын, ой ұшқырлығын дамытатынын   атап өтті. Білім алушылар назарына Қазақстан  ақын-жазушылары Б.Момышұлының Ұшқан ұя», О. Бөкейдің «Кербұғы», З.Шүкіровтың «Қасиетті сезім», Б.Майлиннің «Шұғаның белгісі» , сонымен қатар  әлем балалар әдебиетінің інжу-маржандары саналатын  Д.Гринвудтың  «Өгей бала» шығармалары  таныстырылып, аталған шығармаларға талдау жасалды.

Осы шығармалар бойынша ПМНО-24-1 оқу тобының білім алушылары Д.Нұрай, Қ.Әуесхан т.б қатысушылар оқыған шығармалары жөнінде өз пікірлерін ортаға салды.

Әдеби сағаттың мақсаты- қазақ халқының ғасырлар қойнауынан ұрпақтан ұрпаққа жеткен рухани, мәдени мұрасын насихаттау, кітапханаға қызығушылығын ынталандыру, оқырмандарды тарту,  мәдени құндылықтарды қалыптастыру арқылы  әдеби шығармаларды таныстыру.