УНИВЕРСИТЕТТЕР АРАСЫНДА ЫНТЫМАҚТАСТЫҚ ТУРАЛЫ МЕМОРАНДУМ ЖАСАЛДЫ

Қызылорда ашық университеті мен Тұран Астана университеті арасында білім беру, ғылыми және инновациялық қызмет салаларындағы ынтымақтастық, университеттер арасындағы серіктестік жүйесін дамытуды қамтамасыз ету мақсатында меморандум жасалды.
Меморандум кадрларды даярлау, педагогтардың, қызметкерлердің біліктілігін арттыру, ғылыми орталықтар, зертханалар базасында іргелі және қолданбалы ғылыми-зерттеу жұмыстарын, ғылыми тағылымдамалардан өтуге бағытталған. Бұл университеттер арасындағы ынтымақтастықты одан әрі нығайта түседі.
"Тұран-Астана" университеті - 25 жылдан астам тарихы бар, гуманитарлық-экономикалық бейін, дизайн және туризм білім беру бағдарламалары бойынша кадрлар даярлайтын өңірдегі ең ірі жоғары оқу орындарының бірі. Еліміздегі жоғары білім беру ұйымдары арасында үлкен беделге ие, жоғары оқу орындары мен білім беру бағдарламаларының ұлттық және халықаралық рейтингтерінде алдыңғы қатарда. Жыл сайын "Тұран-Астана" университеті ҚР тәуелсіз аккредиттеу және рейтинг агенттігінің (IAAR) ҚР жоғары оқу орындарының бас рейтингісінде ЖОО рейтингінің нәтижелері бойынша ҚР үздік 20 жоғары оқу орнының қатарына кіреді.
Университет бүгінге дейін 20 000-нан астам маман дайындап шығарды, олардың ішінде Қазақстан Республикасының қоғам және мемлекет қайраткерлері, белгілі медиа тұлғалар мен табысты кәсіпкерлер бар.
Қызылорда ашық университеті профессор-оқытушылар мен қызметкерлерді қабылдауға, еліміздің батыс өңірі үшін білікті кадрлар даярлауға дайын екендігін мәлімдейді.