Университет (122)

Бисенов Кылышбай Алдабергенович

т.ғ.д., профессор, ҚР Ұлттық ғылым академиясының академигі

Қызылорда ашық университетінің ректоры

тел: 8 (7242) 24 60 47, 8 701 724 70 01

e-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс., Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Қызылорда ашық университетінің Ғылыми кеңесі университет қызметінің ең маңызды мәселелерін алқалық қарау мақсатында құрылған сайламалы өкілетті орган болып табылады.

Ғылыми кеңестің құрамына проректорлар, құрылымдық бөлімшелердің басшылары, белгілі ғалымдар, студент-жастардың, қызметкерлер мен студенттердің кәсіподақ комитетінің өкілдері кіреді.

Өз қызметінде Ғылыми кеңес ҚР «Білім туралы» заңын, ЖОО қызметін ұйымдастырудың үлгі қағидаттарын, ЖОО Ғылыми кеңесі қызметінің үлгі қағидаттарын, Қызылорда ашық университетінің Жарғысын басшылыққа алады.

Ғылыми кеңестің негізгі міндеттері:

- сапалы кәсіби дайындықты қамтамасыз етуге және мамандардың біліктілігін арттыруға бағытталған университет ұжымының әлеуетін біріктіру;

- университеттің материалдық-техникалық базасын нығайту және қаржылық қолдауды қамтамасыз ету;

- ғылыми зерттеулерді дамыту, университеттің одан әрі дамуына ықпал ету болып табылады.

Ғылыми кеңестің жұмысы оның құзыретіне кіретін мәселелерді ұжымдық талқылаудың жариялылығына негізделеді.

Ғылыми кеңестің өкілеттігіне университеттің құрылымын бекіту, стратегиялық даму жоспарын бекіту, даму тұжырымдамасын айқындау, жоғары кәсіби білімнің көп деңгейлі жүйесінде мамандар даярлаудың жаңа бағыттарын айқындау кіреді. Жыл сайын ғылыми кеңестің мәжілістерінде атқарылған жұмыстар туралы ректордың есебі, оқу-тәрбие, ғылыми-зерттеушілік, тәрбие жұмыстарын жүргізу түрлері мен әдістері туралы проректорлардың, құрылымдық бөлімшелердің басшыларының есептері тыңдалады.

Сонымен бірге, халықаралық ынтымақтастықты дамыту, университеттің ақпараттық және қаржы-шаруашылық жұмыстары, оқытушылар мен студенттерге әлеуметтік көмек көрсету мәселелері Ғылыми кеңестің назарында болады. Ғылыми кеңестің мәжілістерінде ҚР Президентінің Қазақстан халқына Жолдаулары, Қазақстан Республикасының білім және ғылымын дамытудың «Сапалы білім «Білімді ұлт»   ұлттық жобасы, ҚР Үкіметінің шешімдері мен қаулыларының орындалу барысы қаралады.

Өмірдегі жетістіктерге - білім арқылы! 

Сапа саласындағы академиялық саясаттың негізгі мақсаты білім беру бағдарламаларын жетілдіру, Болон процесінің қағидаларын іске асыру, сапалы білімнің қолжетімділігін қамтамасыз ету, халықаралық, республикалық және аймақтық еңбек нарығының жоғары білікті мамандарға және бәсекеге қабілетті ғылыми-педагогикалық кадрларға сұранысын қанағаттандыратын Университет қалыптастыру болып табылады .

Осы мақсаттарға жету үшін университет өзінің алдына келесі міндеттерді қояды: 

• еңбек нарығының сұраныстарын қанағаттандыру үшін сапалы білім беру қызметін ұсыну;
• білім, ғылым және өндірістің интеграциясын арттыру;
• студент жастарды жан-жақты дамытуға бағытталған жағдайларды жақсарту, оларды өңір мен еліміздің әлеуметтік-экономикалық даму процесіне тарту;
• оқу, ғылыми және өндірістік инфрақұрылымды жетілдіру;
• кадрлық саясатты жетілдіру және персоналдың белсенді кәсіби өсуін көтермелеп отыру;
• университеттің республикалық және халықаралық рейтингтерге қатысуын қамтамасыз ету;
• университеттің студенттері мен оқытушы-профессор құрамының академиялық ұтқырлығын дамыту мақсатында жоғары білімнің еуропалық аймағына одан әрі интеграциялану;
• білім мен ғылым саласында университетті ақпараттық қамтамасыз ету желісін одан әрі дамыту;
• халықаралық ынтымақтастық өрісін кеңейту;
• алға қойылаған мақсаттарға жетудің құралы ретінде сапа жүйесін жетілдіру және оның жұмыс істеуі мен дамуына қажетті жағдайлар жасау.

Қызылорда ашық университетінің білімдегі сапа саласындағы академиялық саясаты университет стратегиясының негізгі, ажырамас элементі және ЖОО-ң білім беру қызметін жоспарлау негізі болып табылады.

Қызылорда ашық университетінің сапа саласындағы саясатын орындаудың қажетті шарты оны университеттің барлық қызметкерлері түсінуі және оны күнделікті жүзеге асыруға ұмтылысы болып табылады.        

Университет басшылығы отандық және әлемдік озық тәжірибені қолдана отырып, сапа менеджменті жүйесін үнемі жетілдіріп отыру және сапа саласындағы академиялық саясатты қадағалауға бақылау жүргізу жауапкершілігін өзіне алады

Сыр өңірінің білім беру ісінде өзіндік орнын қалыптастырған жоғары оқу орындарының бірі – Қызылорда ашық университеті. Қызылорда ашық университеті 1998 жылы Қызылорда инженерлік-экономикалық институты болып ашылған, ал 2009 жылы «Ақмешіт» гуманитарлық-техникалық институты болып қайта құрылған.

 Жоғары оқу орны 2022 жылы институт құрылтайшысының шешімімен «Қызылорда технология және қызмет институты» білім беру мекемесі болып өзгертіліп, Қызылорда облысы Әділет департаменті арқылы мемлекеттік қайта тіркеуден өтті.

Құрылтайшылардың шешіміне сәйкес Қызылорда облысы Әділет департаментінің заңды тұлғаны мемлекеттік қайта тіркеу туралы анықтамасы негізінде «Қызылорда технология және қызмет институты» білім беру мекемесі 2023 жылдың 10 ақпанынан бастап «Қызылорда ашық университеті» білім беру мекемесі болып өзгертілді.

25 жыл тарих бедерінде көп уақыт болмаса да, алған асулары мен бағындырған белестері қоғамда лайықты орынға ие болған. Бәсекеге қабілетті мамандар даярлау үшін университеттің материалдық-техникалық базасын нығайтуда көптеген жұмыстар атқарылуда. Бүгінде жоғары оқу орны жоғары білімнің 23 білім беру бағдарламасы бойынша ҚР Ғылым және жоғары білім министрлігінің лицензиясына сейкес білім беру қызметін жүргізеді.

Университет ғалымдары Қазақстан Республикасы Ғылым және жоғары білім министрлігі Ғылым комитеті ұйымдастыруымен ғылыми және ғылыми-техникалық жобаларды гранттық қаржыландыру конкурсына қатысып, бірнеше жоба гранттық қаржыландыруды жеңіп алды. Сонымен қатар жергілікті атқарушы орган ұйымдастырған конкурстарда ғалымдарымыз өз жобаларымен қатысып, бірнеше мәрте жеңімпаз атанды. Профессор-оқытушылар құрамы мен білім алушылардың халықаралық рецензияланатын журналдарда, шетелдік және отандық конференциялар жинақтарында жарияланған мақалаларының саны жылдан-жылға өсіп келеді.

Заман талабына сай білім алушылардың білім алуына барлық қажетті жағдайлар жасалған. Университетімізде білім алған, еңбек нарығында сұранысқа ие кәсіби және бәсекеге қабілетті мамандар Қазақстан экономикасының әр түрлі саласында жемісті еңбек етуде.

Университет 2022 жылы маусым айында Қазақстан Республикасында танылған аккредиттеу органдарының тізіліміне енген Қазақстанның Заманауи (Элиталық) Білім Ассоциациясы (KAZSEE) арқылы халықаралық институционалдық және білім беру бағдарламаларының мамандандырылған аккредиттеуінен өтіп, Институтқа KAZSEE-нің Аккредиттеу Кеңесінің шешімімен 5 жыл мерзімге (30.06.2022-29.06.2027 жж. аралығына) институционалдық және білім беру бағдарламаларының мамандандырылған аккредиттеуінен өткендігі туралы Сертификаттар берілді.

Сонымен қатар 2023 жылдың мамыр айында оқу орнының тағы да 9 білім беру бағдарламасы Халықаралық мамандандырылған аккредиттеуден өтіп, аккредиттеу агенттігінің (19.06.2023-18.06.2028жж. аралығына) білім беру бағдарламаларының мамандандырылған аккредиттеуінен өткендігі туралы Сертификаттар берілді.