Қызылорда ашық университетінің Инженерлік технологиялар кафедрасының «Құрылыс» білім беру бағдарламасының студенттері 2024 жылдың 25-30 сәуір аралығында Халықаралық білім беру корпорациясы (KAZGASA) ұйымдастырған Республикалық пәндік олимпиадаға қатысты.

Қызылорда ашық университетінің ғалымдары біздің облыстың ғана емес, бүкіл Қазақстанның экологиялық жағдайы мен су ресурстарының қорларын жақсарту мәселесі бойынша ғылыми зерттеулер жүргізуде. Біздің ғалымдардың басты мақсаты-жер асты суларының қорын ұлғайту.

Қызылорда ашық университетіне дәріс оқуға шақырылған Оңтүстік Орал мемлекеттік аграрлық университетінің (Ресей Федерациясы) профессоры, техника ғылымдарының докторы Шерьязов Сакен Койшыбаевич «Инженерлік технологиялар» кафедрасының оқытушыларына 72 сағат көлемінде «Электр энергиясымен жабдықтау және жаңартылған қайтарымды энергия көздері» тақырыбы бойынша біліктіліктілік арттыру курсын жүргізді. Курс соңында оқытушыларға сертификаттар табысталды

⚡️ Беларусь Республикасының Евфросиния Полоцкая атындағы Полоцк мемлекеттік университетінде академиялық ұтқырлық бағдарламасымен оқып келген «Құқықтану» (Қылмыстық құқық) білім беру бағдарламасының студенті  Оралбай Рысдәулет пен «Дене шынықтыру және спорт» білім беру бағдарламасының  студенті Жүсіпов Мұрат университет студенттерімен және оқытушы-профессорлық құраммен кездесу өткізді. 

✨ 29 сәуір күні Сәкен Сейфуллин атындағы №4 ақпараттық технология мектеп-лицейінің 60 жылдық мерейтойы аясында 50 жыл бұрын бітірген мектептің үздік түлегі, техника ғылымдарының докторы, профессор, ҚР ҰҒА академигі, ҚР еңбек сіңірген қайраткері Қылышбай Алдабергенұлы Бисенов атындағы математика кабинетінің салтанатты түрде ашылу рәсімі өткізілді. Кабинет заман талабына сай оқыту-техникалық құралдармен жабдықталған.   

⚡️ 19 сәуір күні С. Сейфуллин атындағы №4 ІТ мектеп –лицей базасында ҚР ҰҒА академигі, ҚР Еңбек сіңірген қайраткері, техника ғылымдарының докторы, профессор Қылышбай Алдабергенұлы Бисеновтің жүлдесі үшін ұйымдастырылған қалалық математика және физика пәндері бойынша пәндік олимпиада өткізілген болатын.

БОС ЖҰМЫС ОРЫНДАРЫ

                                                      КОНКУРС!                              26 сәуір 2024 жыл

Қызылорда ашық университеті ағымдағы 2023-2024 оқу жылына бос лауазымдарға орналасуға конкурс жариялайды

Қызылорда ашық университеті ағымдағы 2023-2024 оқу жылының бос лауазымдарына конкурс жариялайды.

1.«Экономика және басқару» кафедрасы бойынша: 

- 6В11476 - Әлеуметтік жұмыс білім беру бағдарламасы бойынша, аға оқытушы, ғылыми дәрежесімен (ғылым кандидаты, PhD (философия докторы),бейінді бойынша доктор - 1 штат бірлігі;

2.«Құқық және қызмет көрсету» кафедрасы бойынша:

- 6В03231 - Кітапхана ісі білім беру бағдарламасы бойынша аға оқытушы (жоғары білімі немесе ЖОО кейінгі білімі) - 1 штат бірлігі.

Біліктілікке қойылатын талаптар:

- жоғары білімі немесе  кафедра бейіні бойынша мамандар даярлау бағытына сәйкес келетін ЖОО кейінгі білімі және/немесе ғылыми дәрежесі (ғылым кандидаты,  ғылым докторы, философия докторы (PhD), бейіндік доктор) немесе философия докторы (PhD), бейіндік доктор академиялық дәрежесі, немесе философия докторы (PhD), бейіндік доктор дәрежесі болуы;

Конкурсқа қатысуға үміткерлер келесі құжаттарды ұсынады:

Университетте жұмыс істейтін тұлғалар өтінішке келесі құжаттарды қоса береді:

Университеттің белгіленген тәртібінде куәландырылған жарияланған және оған теңестірілген ғылыми және оқу-әдістемелік жұмыстардың тізімі.

Конкурсқа алғаш рет қатысатын тұлғалар өтінішке мынадай құжаттарды қоса береді:

1.Университет ректоры атына конкурсқа қатысу туралы өтініш;

2.жеке куәлігінің көшірмесі;

3.кандидаттың біліктілік талаптарына сәйкестігін растайтын құжаттардың (білім туралы құжаттардың) көшірмелері;

4.соңғы 5 жыл ішінде қайта даярлау және біліктілікті арттыру туралы сертификаттардың көшірмелері (бар болса); (бұл тармақ практик-оқытушыларға немесе өндірісте еңбек өтілі бар адамдарға қатысты қолданылмайды);

5.ұйымның кадр қызметінің қолымен немесе ғылыми мақалаларды жариялау бедерімен расталған соңғы 5 жылдағы ғылыми еңбектерінің тізімі (бұл тармақ практик-оқытушыларға немесе өндірісте еңбек өтілі бар адамдарға қолданылмайды);

6. еңбек кітапшасының көшірмесі немесе ғылыми-педагогикалық жұмыс немесе практикалық қызмет өтілін растайтын өзге де құжаттар /немесе түйіндеме, қызметтік тізімі.

Конкурсқа қатысушылар өзінің білімі, еңбек өтілі, кәсіби дайындық деңгейіне қатысты қосымша ақпараттарды ұсына алады.

Сіз «Қызылорда ашық университеті» білім беру мекемесінің педагогтердің (ПОҚ  құрамына) лауазымдарына конкурстық орналасу ережелерімен» және «Қызылорда ашық университеті» білім беру мекемесінің педагогтарының (ПОҚ қурамы) лауазымдық біліктілік сипаттамалары ережелерімен» Университет сайтында https:ouk.edu.kz ("Бос орындар" бөлімінде) таныса аласыз.

Конкурсқа қатысу үшін құжаттар қабылдау хабарландыру жарияланған күннен бастап 10 (он) күнтізбелік күн ішінде жүргізіледі. 

Конкурстық құжаттарды сканерленген нұсқада электрондық поштаға Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс., Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. ұсынуға болады, сондай-ақ құжаттар Кызылорда қаласы, Ғ.Мұратбаев көшесі 72А, «Қызылорда ашық университеті», Әкімшілік және  кадрлық жұмыстар басқармасы (207 кабинет) мекенжайы бойынша жұмыс күндері сағат 9.00-ден 18.00-ге дейін қолма-қол қабылданады.

Конкурсты өткізу күні, орны және форматы қосымша хабарланатын болады. Анықтама телефондары: 87017246995, 87012226151.

2024 жылғы 20 сәуірде Беларусь мемлекеттік педагогикалық университетінің оқу ісі жөніндегі проректоры Маковчик Александр Васильевич Қызылорда ашық университетінің академиялық мәселелер жөніндегі басқарма басшысы, физика-математика ғылымдарының кандидаты Мұхамбетжан Айсұлу Мұхамбетжанқызы бастаған делегацияны қабылдады;