⚜ Бүгін елімізде аталып өтіп жатқан 10 тамыз – Абай күнімен баршаңызды құттықтаймыз!

Қызылорда ашық университетінде 2024-2025 оқу жылына арналған ректор грантына өтінімдер қабылдау жалғасуда. Конкурсқа ҰБТ-дан 100 баллдан жоғары жинаған және ата-ана қамқорлығынан айрылған талапкерлер қатыса алады. Айта кетейік, биыл ректор гранты санына шектеу жоқ.

Биыл әлеуметтік осал топтағы тағы 850 талапкер жоғары білім алуға қол жеткізе алады. «Қазақстан халқына» қоры 2024-2025 оқу жылына арналған білім гранттары бағдарламасын жалғастырып жатыр. Өтінімдерді қабылдаудың соңғы мерзімі -17 тамыз. 

Қызылорда ашық университетінің 2-курс студенті Ксения Хан Индонезиядағы Тербука университеті ұйымдастырған халықаралық жазғы лагердің офлайн форматтағы оқу бағдарламасына жолдама алды.

Қызылорда Ашық университетінің профессор-оқытушылық құрамы мен жоғары курс студенттері Азия Ашық университеттер ассоциациясы ұйымдастырған дәріске қатысты. Дәріс AAOU мүше университеттерінің оқытушылары мен студенттеріне ұйымдастырылды.

BINAR 2024 (Bina Budaya Antarbangsa) Халықаралық жазғы лагерінің бірінші аптасы өте сәтті өтті. Студенттер Индонезия тілін онлайн форматта белсенді түрде оқуда. Бағдарламаның алғашқы аптасында сәлемдесу, өзін таныстыру сияқты тілдік дағдыларды үйренді.

Қызылорда ашық университеті мен Алматы технологиялық университеті арасында ынтымақтастықты дамытуға ықпал ететін келісімге қол қойылды.

Бүгін Индонезиядағы Тербука Университеті ұйымдастырған халықаралық жазғы лагердің онлайн форматтағы оқу бағдарламасы басталды.  Лагерьге Қызылорда ашық университетінің «Дизайн» білім беру бағдарламасының 2-курс студенттері Жанель Нұрлан мен Ксения Хан қатысуда. Алғашқы сессия қатысушылардың таныстығынан басталды.

Индонезиядағы Тербука Университеті ұйымдастырған халықаралық жазғы лагерге өтінім беру аяқталды. Нәтижесінде, Қызылорда ашық университетінің «Дизайн» білім беру бағдарламасының 2-курс студенттері Жанель Нұрлан мен Ксения Хан іріктеуден сәтті өтіп, шақырту алды.

«UNIVERSITAS TERBUKA» ХАЛЫҚАРАЛЫҚ ЛАГЕРГЕ ТІРКЕЛУ ЖАЛҒАСУДА